რუმინეთის ახალი პრემიერ-მინისტრი 50 წლის სოციალ-დემოკრატი მიხაი ტუდოსე იქნება, რომლის კანდიდატურასაც პრეზიდენტმა დაუჭირა მხარი. მანამდე ის ეკონომიკის მინისტრის პოსტს იკავებდა. ტუდოსეს კანდიდატურა მმართველმა კოალიციამ წარადგინა. მის გარდა მინისტრთა კაბინეტის ხელმძღვანელის პოსტზე კიდევ ხუთი კანდიდატურა განიხილდებოდა. პრეზიდენტის თანხმობის შემდეგ ჯერი უკვე პარლამენტზეა, რომელმაც მთავრობის სრული შემადგენლობა უნდა დაამტკიცოს.