იტალიის 19 დიდი ქალაქის მერების უმეტესობა მემარჯვენე ცენტრისტული ძალების წარმომადგენლები იქნებიან. მერების არჩევნების მეორე ტურში მონაწილეობა 4 მილიონზე მეტმა ადამიანმა მიიღო. 110 ქალაქის მოსახლეობამ არჩევანი ორ წარმოდგენილ კანდიდატს შორის გააკეთა, რომლებმაც 11 ივნისს, პირველ ტურზე ხმების 50% ვერ მოაგროვეს. არჩევნებზე ერთმანეთს მემარჯვენე ცენტრისტული პარტიისა და „მოძრაობა 5 ვარსკვლავის“ კანდიდატები დაუპირისპირდნენ. ექსპერტების თქმით, თვითმართველობის არჩევნების შედეგებს დიდი გავლენა ექნება მომავალ საპარლამენტო არჩევნებზეც, რომელიც იტალიაში მომავალ წელს გაიმართება.
