უკრაინის უმაღლესი რადის დეპუტატს ნადეჟდა სავჩენკოს კვერცხები ესროლეს. ინციდენტი ნიკოლაევში მოხდა, სადაც ყოფილი სამხედრო მფრინავი ადგილობრივ მცხოვრებლებს ხვდებოდა.
აქციაზე ანტიტერორისტული ოპერაციის მონაწილეები და ნაციონალისტები გამოჩდნენ, რომლებმაც სავჩენკოს სიტყვიერი შეურაცხყოფა მიაყენეს და რუსეთის აგენტი უწოდეს. ამის შემდეგ ერთ-ერთმა მათგანმა დეპუტატს კვერცხები ესროლა. მამაკაცი პოლიციამ დაკავა, რის შემდეგაც ნაციონალისტები მის გათავისუფლებას შეეცადნენ. სავჩენკომ მომხდარს პროვოკაცია უწოდა.