თურქულ შოკოლადი ყველაზე მოთხოვნადი არაბულ ქვეყნებშია. სტატისტიკური ინფორმაციის მიხედვით, 2016 წელს თურქეთიდან 72,3 ათასი ტონა შოკოლადის ექსპორტი განხორციელდა, რომლის ღირებულებამაც 182,6 მლნ დოლარი შეადგინა.
როგორც ქვეყნის სტატისტიკის ინსტიტუტში (TÜİK) განმარტავენ, 2016 წელს თურქეთიდან განხორციელებული შოკოლადის ექსპორტის ნახევარზე მეტი სწორედ არაბულ ქვეყნებზე მოდის.
თურქული შოკოლადის იმპორტის მხრივ ლიდერი ერაყია, სადაც გასულ წელს 35,3 მლნ დოლარის ღირებულების თურქული შოკოლადი გაიყიდა. ასევე ლიდერებს შორის არიან საუდის არაბეთი სადაც გასულ წელს 17,1 მლნ დოლარის თურქული შოკოლადი გადაიზიდა და ასევე არაბეთის გაერთიანებული საემიროები, რომელმაც 2016 წელს 14,7 მლნ დოლარის ღირებულების შოკოლადი მოიხმარა.
2016 წლისთვის თურქული საექსპორტო შოკოლადის ფასმა კილოზე საშუალოდ 2,6 დოლარი შეადგინა.