სრულიად საქართველოს კათოლიკოს-პატრიარქმა, საკვირაო ქადაგებისას, მრევლს თხოვნით მიმართა, რომ გააძლიეროს ლოცვა საქართველოსათვის.
,,კიდევ ერთხელ მოგმართავთ თხოვნით, გავაძლიეროთ ლოცვა, რათა ბოროტმა ძალამ საქართველოს დაპყრობა ვერ შეძლოს”, - განაცხადა ილია მეორემ.
უწმინდესმა ღირსი იოანე (თორნიკე) მთაწმინდელის ღვაწლის შესახებ ისაუბრა, რომელმაც, მისი თქმით, ფაქტობრივად გადაარჩინა ბიზანტიის იმპერია.
"დღეს ჩვენ ვდღესასწაულობთ მის დღეს და მისი ღვაწლით, მისი ვედრებით, ღმერთმა დალოცოს და გაათავისუფლოს ხილული და უხილავი მტრებისაგან საქართველო და საქართველოს ეკლესია", - აღნიშნა პატრიარქმა.
მან დღეს მადლობა გადაუხადა „სოლიდარობის ფონდს“ იმ საქმიანობისთვის რომელსაც ეწევა.
,,მიუხედავად იმისა, რომ მრავალი განსაცდელი ხდება ჩვენს წინაშე, ბევრი სასიკეთო რამ კეთდება, განსაკუთრებით ონკოლოგიური ავადმყოფობით დამძიმებული ბავშვებისთვის“, - აღნიშნა პატრიარქმა.