პრეზიდენტი მოქალაქეობის მიცემისა და შეწყვეტის უფლებამოსილებას ინარჩუნებს. კონსტიტუციაში დაგეგმილი ცვლილებების განხილვისას იურიდიულ საკითხთა კომიტეტის სხდომაზე პარლამენტის თავმჯდომარემ განაცხადა, რომ უცხოელი ექსპერტებისთვის გაუგებარია, რატომ წყვეტს მოქალაქეობასთან დაკავშირებულ ყველა საკითხს პრეზიდენტი.
”გვითხრეს - გვესმის, რომ მოქალაქეობა სიმბოლურად შეიძლება პრეზიდენტმა მიანიჭოსო, მაგრამ მოქალაქეობის მოხსნა აღმასრულებელი ხელისუფლების კომპეტენციაა. პრაქტიკაც ასეა, ყველაფერს სამოქალაქო რეესტრის ეროვნული სააგენტო, იუსტიციის სამინისტრო ამზადებს და ბოლოს ხელს აწერს პრეზიდენტი. ჩვენ მათ ჩვენ კონტექსტში, ჩვენი საზოგადოების - პოლიტიკური საზოგადოების ნაწილის დამოკიდებულება ავუხსენით და გაგვიგეს”, - განაცხადა ირაკლი კობახიძემ.
დაგეგმილი ცვლილებებით, თავშესაფრის მიცემა პრეზიდენტის უფლებამოსილება აღარ იქნება.