ნუცუბუძის ქუჩაზე მდებარე თბილისის ჩვილ ბავშვთა სახლის ბენეფიციარებისთვის, სპეციალიზებული საოჯახო ტიპის სახლის მშენებლობა დაიწყო.
დიდ დიღომში, დემეტრე თავდადებულის ქუჩაზე მშენებლობის დასრულების შემდეგ, საოჯახო ტიპის სახლში სახელმწიფო ზრუნვის ქვეშ მყოფი 7 შეზღუდული შესაძლებლობის მქონე ბავშვი იცხოვრებს.
,,დღეს ჩვენ ვასრულებთ იმ დანაპირებს, რაც რამდენიმე თვის წინ მივეცით საზოგადოებას. საფუძველი ეყრება საოჯახო ტიპის სახლის მშენებლობას. სახლი მოემსახურება შეზღუდული შესაძლებლობის მქონე ბავშვებს. ეს არის ძალიან მნიშვნელოვანი. მთლიანად ჯდება ჩვენი ქვეყნის პოლიტიკაში. ჩვენი პრიორიტეტი გახლავთ ასეთი ბავშვების მაქსიმალურად საოჯახო პირობებთან მიახლოვებული პირობების შექმნა. ეს ბავშვები მიღებენ სრულ სერვისებს, განათლების, აღზრდის, კულტურის მხრივ,,-განაცხადა ჯანდაცვის მინისტრის მოადგილე ზაზა სოფრორომაძე
პროექტი გაეროს ბავშვთა ფონდისა და USAID-ის მხარდაჭერით ხორციელდება.