თურქეთში გარდაცვლილი საქართველოს მოქალაქე - 36 წლის ბუნა ხოტოველი უკვე საქართველოში გადმოასვენეს.
გარდაცვლილი სტამბოლის ერთ-ერთ ცენტრალურ უბანში, რამდენიმე დღის წინ იპოვეს.
სამართალდამცველები ორ ძირითად ვერსიაზე - უბედურ შემთხვევასა და თვითმკვლელობაზე საუბრობენ. ახალგაზრდა ტაილანდში იმყოფებოდა და საქართველოში სტამბოლის გავლით უნდა დაბრუნებულიყო. რეანომობილით სარფამდე გარდაცვლილი თურქულმა მხარემ მოიყვანა, შემდეგ კი იგი სასწრაფო დახმარების ქართულ ავტომანქანაში გადაასვენეს.