რუსეთმა ისლამისტებზე კიდევ ერთი იერიში მიიტანა. „ისლამური სახელმწიფოს“ დაჯგუფების პოზიციები ხმელთაშუა ზღვიდან ფრეგატებმა „ადმირალ ესენმა,“ „ადმირალ“ გრიგოროვიჩმა და წყალქვეშა ნავმა „კრასნოდარმა“ დაბომბეს. „კალიბრის“ ტიპის რაკეტებით ჰამას პროვინციაში ისლამისტთა იარაღის საწყობი და სამეთაურო შტაბები განადგურდა. რუსული მხარის განმარტებით, ოპერაციის შესახებ თურქეთი და ისრაელი საქმის კურსში წინასწარ იყვნენ ჩაყენებულნი.