მეორე მსოფლიო ომის დროს ჩადენილი სექსუალური დანაშაულის გამო იაპონიამ სამხრეთ კორეას ბოდიში უნდა მოუხადოს. ამის შესახებ სამხრეთ კორეის პრეზიდენტმა მუნ ჯე ინმა „ვაშინგტონ პოსტისთვის“ მიცემულ ინტერვიუში განაცხადა.
„იაპონიამ უნდა აიღოს იურიდიული პასუხისმგებლობა და საჯაროდ მოიხადოს ბოდიში იმისათვის, რომ ეს საკითხი საბოლოოდ დაიხუროს,“-აღნიშნა სამხრეთ კორეის ლიდერმა.
კორეა 1910-1945 წლებში იაპონიის კოლონია იყო. მეორე მსოფლიო ომის დროს იაპონელთა სექსუალურ მონობაში ათობით ათასი კორეელი ქალი მოექცა.