ინტერპარტიული ჯგუფის წარმომადგენლებმა ევროპის საბჭოს გენერალურ მდივანს, ვენეციის კომისიას და ეუთოს საგანგებო მიმართვა გაუგზავნეს. ჯგუფი საერთაშორისო უწყებებს მოსალოდნელი რევოლუციის შესახებ ატყობინებს.
"მმარველმა ფუნდმა მიიღო ფრანკეშტეინის კონსტიტუცია და ამის მოგვარება კონსესუსით შეუძლებელია. ამიტომ პროცესები საპროტესტო მუხტს იძენს და არ არის გამორიცხული რევოლუცია მივიღოთ", - წერია წერილში.
ინტერპარტიული ჯგუფის განცხადებით, ერთადერთი საკითხი, რაზეც პოლიტიკური კონსესუსის მიღწევა შეძლეს, შერეული საპარლამენტო საარჩევნო სისტემიდან პროპორციულ სისტემაზე გადასვლა იყო.
21 ივნისს, პარლამენტში რიგგარეშე სესიაზე, კონსტიტუციის განხილვას ბოიკოტი გამოუცხადა "ნაციონალურმა მოძრაობამ" და "პატრიოტთა ალიანსმა", მოგვიანებით კი "ევროპულმა საქართველომაც".