ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრ სოზარ სუბარის შეფასებით, „ნაციონალურ მოძრაობასთან“ კონსენსუსი შეუძლებელია. ოპოზიციის მიერ საკონსტიტუციო ცვლილებების განხილვის პროცესისთვის ბოიკოტის გამოცხადებასთან დაკავშირებით, საკონსტიტუციო კომისია იყო ისეთი მრავალმხრივი, როგორიც არასდროს ყოფილა.
,,როცა გყავს „ნაციონალური მოძრაობა“ დარბაზში, კონსენსუსის მიღწევა რაიმე საკითხზე, ჩემი აზრით, შეუძლებელია. რომ ვთქვათ, რომ ხვალ აფხაზეთს ვიბრუნებთ, „ნაციონალური მოძრაობა“ გავა დარბაზიდან - თქვენ არ უნდა დაიბრუნოთო. ამ შემთხვევაში კონსენსუსი მიღწევა არის შეუძლებელი. ინაშვილის პარტიისაც რომ გითხრათ, რომ ძალიან ღრმად მესმის, მოვიტყუები“, - განაცხადა სუბარმა.
კითხვაზე, რამდენად ექნება ლეგიტიმაცია ერთი პარტიის მიერ მიღებულ საკონსტიტუციო ცვლილებებს, სოზარ სუბარი პასუხობს, რომ „დარბაზში არის არა ერთი, არამედ რამდენიმე პარტია, რომელიც ერთი სიით გავიდა“.
მინისტრი ასევე გამოეხმაურა არასაპარლამენტო ოპოზიციის განცხადებას, შესაძლო რევოლუციური სცენარის განვითარების თაობაზე და აღნიშნა, რომ „არანაირი რევოლუციური პროცესი საქართველოში არ იქნება“.