პარლამენტმა, აჭარის ავტონომიური რესპუბლიკის შესახებ კონსტიტუციური კანონის პროექტი პირველი მოსმენით განიხილა. როგორც პარლამენტის თავმჯდომარე განმარტა, მოქმედი კონსტიტუციური კანონი შეიცავს მნიშვნელოვან ხარვეზებს, როგორც შინაარსობრივი, ისე ტექნიკური თვალსაზრისით და ვერ უზრუნველყოფს უფლებამოსილებების მკაფიო და ჯეროვან გამიჯვნას სახელმწიფოს, ავტონომიურ რესპუბლიკასა და თვითმმართველ ერთეულებს შორის.
ირაკლი კობახიძის თქმით, მნიშვნელოვანი ხარვეზებით არის დარეგულირებული ავტონომიური რესპუბლიკის ხელისუფლების ინსტიტუციური მოწყობა, კონსტიტუციური კანონი გაუმართავია იურიდიული ტექნიკის თვალსაზრისით.
ახალი კონსტიტუციური კანონით არ იცვლება აჭარის ავტონომიური რესპუბლიკის სტატუსის, უფლებამოსილებისა და ინსტიტუციური მოწყობის განსაზღვრის საერთო პრინციპები, რომლებსაც მოქმედი კონსტიტუციური კანონი ეფუძნება.
დღევანდელ განხილვასა და კენჭისყრის პროცესში საპარლამენტო ოპოზიცია არ მონაწილეობს. კენჭისყრა 15:00 საათზე გაიმართება.
