მამა გიორგი მამალაძის ოჯახი თანახმაა თუ საპატრიარქოს მხრიდან მზაობა იქნება, პატრიარქთან შეხვედრის ვიდეო ჩანაწერი გასაჯარავდეს.
როგორც დეკანოზის ძმა, თორნიკე მამალაძე აცხადებს, მათ საპატრიარქოსგან განსხვავებით დასამალი არაფერი აქვთ.
“თუკი მათი სურვილი იქნება, გაასაჯაროვონ ვიდეოჩანაწერი, მე დასამალი არაფერი მაქვს, პირიქით, მათ ექნებათ დასამალი. ჩვენი შეხვედრის დროს თქვეს, მამა გიორგის ხვალ ან ზეგ ვაზიარებთო, თუმცა ამ შეხვედრის შემდეგ გამოვიდნენ და განაცხადეს, რომ ჩვენ ზიარების შესახებ არ გვითქვამს, ჩვენ მხოლოდ მამა გიორგის მონახულებას დაგპირდითო“.- ამბობს თორნიკე მამალაძე.
