რა თქმა უნდა, უმრავლესობაში, მმართველ გუნდში არსებობს აზრთა სხვადასხვაობა და ამით ჩვენ ბუნებრივია, ვამაყობთ, - ამის შესახებ პარლამენტის თავმჯდომარე ირაკლი კობახიძემ განაცხადა.
მისი თქმით, აქ ისე იყო დასმული საკითხი, თითქოს პარლამენტის თავმჯდომარე რასაც იტყვის, ერთხმად 115-ივე დეპუტატი აუცილებლად იმას უნდა მიჰყვეს.
მისივე განცხადებით, შეუძლებელია, რომ 116-ივე ადამიანს ერთი და იგივე აზრი ჰქონდეს, განსაკუთრებით პრინციპულ საკითხებთან დაკავშირებით.
„რაც შეეხება პროპორციული არჩევნების ვადას, უმრავლესობა შეჯერდა გარკვეულ გადაწყვეტაზე. იყო დისკუსია, აზრთა სხვადასხვაობა უმრავლესობის შიგნით. აქ ისე იყო დასმული საკითხი, თითქოს პარლამენტის თავმჯდომარე რასაც იტყვის, ერთხმად 115-ივე დეპუტატი აუცილებლად იმას უნდა მიჰყვეს. რა თქმა უნდა, უმრავლესობაში, მმართველ გუნდში არსებობს აზრთა სხვადასხვაობა და ამით ჩვენ ბუნებრივია, ვამაყობთ. შეუძლებელია, რომ 116-ივე ადამიანს ერთი და იგივე აზრი ჰქონდეს, განსაკუთრებით პრინციპულ საკითხებთან დაკავშირებით. არის გაჟღერებული პოზიცია, რომლის თანახმადაც მომავალი არჩევნები ტარდება შერეული სისტემით. საუბარია 3%-იანი ბარიერის დადგენაზე, ბლოკების გაუქმების პირობებში. ეს არის ის მოცემულობა, რომელზეც უმრავლესობა შეჯერდა და შემდეგ 2024 წლიდან საუბარია პროპროციულ სისტემაზე გადასვლაზე“, - განაცხადა ირაკლი კობახიძემ.