დეკანოზ გიორგი მამალაძის ოჯახის წევრები სრულიად საქართველოს კათოლიკოს-პატრიარქ ილია მეორეს დღეს შეხვდებიან.
შეხვედრა 13:00 საათზე შედგება და საპატრიარქოში დეკანოზის მშობლები, მეუღლე და ძმა ადვოკატების გარეშე მივლენ.
როგორც ე.წ. ციანიდის საქმეზე ბრალდებული დეკანოზის ძმამ, თორნიკე მამალაძემ განაცხადა, შეხვედრის თაობაზე მათ უკვე დაუკავშირდნენ საპატრიარქოდან.
„შევეცდებით, პატრიარქი მამა გიორგის უდანაშაულობაში დავარწმუნოთ და ასევე, გვაინტერესებს თავად უწმინდესის პოზიცია მამა გიორგისთან დაკავშირებით“ - განაცხადა თორნიკე მამალაძემ.
