პრეზიდენტის საპარლამენტო მდივანი, ანა დოლიძე იმედს გამოთქვამს, რომ საკონსტიტუციო სასამართლო გაითვალისწინებს „სასამართლოს მეგობრის“ მოსაზრებებს, მოსარჩელის მოსაზრებებს და გააუქმებს იმ მუხლებს, რომელიც, მისი შეფასებით, არაკონსტიტუციურია ე.წ. მოსმენების კანონში
,,ჩვენ იმედი გვაქვს, რომ საკონსტიტუციო სასამართლო დაიცავს საკუთარ გადაწყვეტილებებს, დაიცავს იმ ძალიან მნიშვნელოვან პრინციპებს, რომელიც მან შექმნა. შესაბამისად, თანმიმდევრულად განმარტავს საქართველოს კონსტიტუციას და იმ გადაწყვეტილებას, რომელიც გასცა მანამდე. აქედან გამომდინარე, იმედი გვაქვს, რომ საკონსტიტუციო სასამართლო გაითვალისწინებს „სასამართლოს მეგობრის“ მოსაზრებებს, გაითვალისწინებს მოსარჩელის მოსაზრებებს და გააუქმებს იმ მუხლებს, რომლებიც არაკონსტიტუციურია მოსმენების კანონში“, - განაცხადა ანა დოლიძემ.
საქართველოს პრეზიდენტმა ე.წ. მოსმენების კანონის პაკეტთან დაკავშირებით, საკონსტიტუციო სასამართლოს მეგობრის სტატუსით მიმართა. პრეზიდენტი სასამართლოსგან საქართველოს კონსტიტუციასა და საკონსტიტუციო სასამართლოს გადაწყვეტილებასთან შეუსაბამო მუხლების გაუქმებას ითხოვს.