ოდესის ყოფილ გუბერნატორს, მიხეილ სააკაშვილს კვერცხები ესროლეს და ბრილიანტის მწვანე შეასხეს. ამის შესახებ ინტენტეტ-პორტალი dnepr 24 იტყობინება. ინციდენტი კრივოი როგში მოხდა, სადაც სააკაშვილი ადგილობრივ მცხოვრებლებს შეხვდა. მას შემდეგ, რაც ყოფილმა გუბერნატორმა კიევში დაღუპული დემონსტრანტებისა და სამხრეთ-აღმოსავლეთ უკრაინაში დაღუპული მებრძოლების ხსოვნას პატივი მიაგო, ადგილობრივებს სიტყვით მიმართა. მოულოდნელად მას უცნობმა ახალგაზრდამ კვერცხები და ბრილიანტის მწვანის პაკეტები დაუშინა. სამართალდამცველებმა ის ადგილზე დააკავეს.