პარლამენტის იურიდიულ საკითხთა კომიტეტის თავმჯდომარე, ეკა ბესელია, მონარქიის აღდგენას, საინტერესო იდეად მიიჩნევს და ფიქრობს, რომ ეს საკითხი დაფიქრებას ნამდვილად იმსახურებს.
„თუ გავითვალისწინებთ დღეს იმ ქვეყნებს, ვისაც აქვს დღეს კონსტიტუციური მონარქია და სადაც არსებობს განსხვავებული ფორმით, მაგრამ არსებობს მონარქის ინსტიტუტი და როგორი ტიპის სტაბილურობა აქვთ ასეთ ქვეყნებს, თუ გავითვალისწინებთ საქართველოს ისტორიულ გამოცდილებას და მის სპეციფიკას, ეს არის იდეა, რომელიც უთუოდ იმსახურებს ანალიზს,“ - განაცხადა ეკა ბესელიამ.
შეგახსენებთ, რომ საქართველოში სამეფო ტახტის აღდგენაზე დღეს კათალიკოს-პატრიარქმა ქადაგებისას ისაუბრა.