აშშ ჩრდილოეთ კორეის მთავრობას ტერორისტების დამფინასებელთა სიაში არ შეიყვანას. შესაბამისი განცხადება აშშ-ის სახელმწიფო დეპარტამენტის წარმომადგენელმა ფილიპ ქროულიმ გააკეთა.
მისი განცხადებით, ჩრდ. კორეის ქმედება იყო პროვაკაცია, თუმცა არა ტერორისტული იყო.
"ჩვენი აზრით ეს იყო პროვოკაცია, რომელიც ერთმა სახელმწიფომ მეორე სახელმწიფოს წინააღმდეგ განახორციელა", - განაცხადა ქროულიმ.
ცნობისათვის, ბოლო პერიოდში, სეულდა და ფხენიანს შორის ურთიერთობა დაძაბულია. მიზეზი კი ამა წლის 26 მარტს "ყვითელ ზღვაში" ჩაძირული სამხრეთ კორეული გემია. სამხრეთ კორეული და ამერიკული დაზვერვის მტკიცებით, ხსენებული ხომალდი ჩრდილოეთ კორეულმა წყალქვეშა ნავმა ტორპედოს გასროლით ჩაძირა, რასაც ოფიციალური ფხენიანი კატეგორიულად უარყოფს.
გასულ წელს ოფიციალურმა ფხენიანმა მოლაპარაკებების პროცესი შეწყვიტა აშშ-სთან, ჩინეთთან, სამხრეთ კორეასთან, იაპონიასა და რუსეთთან. მიზეზი საერთაშორისო კრიტიკა იყო, რომელიც ჩრდ. კორეამ ბირთვული პროგრამისა და ატომური იარაღის გამოცდის გამო დაიმსახურა
