მნიშვნელოვანია, არ იქნეს გადაწყვეტილება მიღებული ამ პირის [მუსტაფა ჩაბუქის] ექსტრადიციასთან დაკავშირებით, ვიდრე ყველა დეტალი არ გაირკვევა, - ამის შესახებ სახალხო დამცველმა უჩა ნანუაშვილმა ჟურნალისტებს განუცხადა.
მისი განცხადებით, უახლოეს დღეებში აღნიშნულ საქმეზე უფრო მეტი ინფორმაცია ექნება.
"ჩვენ პირველივე დღეს მოვინახულეთ ბრალდებული. ასევე, მის ადვოკატებსაც შევხვდით და გარკვეული მასალებიც მივიღეთ. ძალიან მნიშვნელოვანია, არ იქნეს გადაწყვეტილება მიღებული ამ პირის ექსტრადიციასთან დაკავშირებით, ვიდრე ყველა დეტალი არ გაირკვევა. ჩვენ დავაკვირდებით საქმის მიმდინარეობას და უახლოეს დღეებში უფრო მეტი ინფორმაცია გვექნება", - განაცხადა უჩა ნანუაშვილმა.
ცნობისთვის, თბილისის საქალაქო სასამართლომ დემირელის კოლეჯის ერთ-ერთ მმართველს, მუსტაფა ემრე ჩაბუქს 3- თვიანი წინასაექსტრადიციო პატიმრობა შეუფარდა.