„ევროპულმა საქართველომ“ მთავარ პოსტებზე კანდიდატურები დაასახელა.
არსებული ინფორმაციით, პარტიის თავმჯდომარის პოსტზე დავით ბაქრაძის კანდიდატურაა წარდგენილი, პოლიტსაბჭოს თავმჯდომარის პოსტზე გიგა ბოკერია, გენერალური მდივნის პოსტზე გიგი უგულავა, ხოლო თბილისის მერობის კანდიდატად - ელენე ხოშტარია.
პირველ დამფუძნებელ ყრილობაზე პარტიის 500-მდე ხმოსანი დელეგატი პოლიტსაბჭოს პარტიის თავმჯდომარესა და გენერალურ მდივანს აირჩევს.
თბილისის დელეგატები თბილისის მერობის კანდიდატს დაამტკიცებენ, რომელიც კარდაკარის გამოკითხვის შედეგების მიხედვით აირჩიეს. გიგი უგულავას განცხადებით, პარტიის მთავარი ამოცანა “ქართული ოცნებისა" და ივანიშვილის რეჟიმის მშვიდობიანი გზით, ქვეყნის რყევისა და ნგრევის გარეშე დამარცხება იქნება.
