საქართველოს პრემიერ-მინისტრი, გიორგი კვირიკაშვილი ეგვიპტეში მომხდარი ტრაგედიის გამო, მწუხარებას გამოთქვამს.
"დიდ მწუხარებას გამოვთქვამ ეგვიპტეში მომხდარი ტრაგედიის გამო, რომელსაც მშვიდობიანი მოქალაქეების, სალოცავად მიმავალი ქრისტიანების სიცოცხლე შეეწირა. ორმაგად შემაშფოთებელია, რომ დამნაშავეების მიერ განხორციელებული თავდასხმის მსხვერპლთა შორის არიან ბავშვები. მთელი გულით ვუსამძიმრებ დაღუპულთა ოჯახებს, ეგვიპტის მთავრობას, ხალხს და ქართველი ხალხისა და საქართველოს მთავრობის სახელით თანავუგრძნობ მათ", - ნათქვამია პრემიერ-მინისტრის განცხადებაში.
ცნობისთვის, ეგვიპტეში, ელ-მინიას პროვინციაში სალოცავად მიმავალი ქრისტიანების ავტობუსებისთვის გახსნილი ცეცხლის შედეგად სულ მცირე 28 ადამიანი დაიღუპა და 35 დაშავდა. დაღუპულთა უმრავლესობა ბავშვია.