"გულისტკივილით მინდა ვთქვა, რომ დღეს რუსთაველის გამზირზე ქართველი ჯარისკაცები არ აფრიალებენ ამაყად საქართველოს დროშას, არ ტარდება აღლუმი",- განაცხადა "ნაციონალური მოძრაობის" წევრმა, ხატია დეკანოიძემ პარტიის ოფისში გამართულ საზეიმო მიღებაზე. მათ მოქალაქეებს დამოუკიდებლობის დღე მიულოცეს და მწუხარება გამოთქვეს, რომ ახალი ხელისუფლების პირობებში სამხედრო აღლუმი აღარ ტარდება.
“მინდა მივულოცო ყველას დღევანდელი დღე. დღეს განსაკუთრებული დღეა ჩვენი სამშობლოსთვის. გულისტკივილით მინდა ვთქვა, რომ დღეს რუსთაველის გამზირზე ქართველი ჯარისკაცები არ აფრიალებენ ამაყად საქართველოს დროშას, არ ტარდება აღლუმი, რაც ძალიან სამწუხაროა. ეს დაამკვიდრა საქართველოს ხელისუფლებამ. მინდა მივულოცო ყველა ჯარისკაცს და ყველა პოლიციელს, რომელიც სამშობლოს წინაშე იხდის ვალს, მინდა მივულოცო ყველა იმ ადამიანს, რომელიც გამოკეტილი ჰყავს ივანიშვილს რეჟიმს ციხეში, მათ შორის გულმხურვალე პატრიოტები. ერთი რამ მინდა ვთქვა, იდეისთვის და თავისუფლებისთვის ნამდვილად ღირს თავგანწირვა“, - განაცხადა ხატია დეკანოიძემ.