ქართველ ხალხს ევროინტეგრაციის გზაზე წარმატებებს უსურვებს ლიტვის პრეზიდენტიც. დალია გრიბაუსკაიტეს მილოცვა მისმა პრეს-სამსახურმა გაავრცელა.
„ქართველ და ევროპელ ხალხს საერთო ღირებულებები აერთიანებს. საქართველომ წარმატებული რეფორმებით მნიშვნელოვან პროგრესს მიაღწია, რაც დადებითად აისახა საქართველოს მოქალაქეებზე. მინდა კიდევ ერთხელ მივულოცო მათ ევროკავშირთან ასოცირების შეთანხმება და უვიზო მიმოსვლა. ჩვენ საქართველოს ევროინტეგრაციულ მისწრაფებებს სრულ მხარდაჭერას ვუცხადებთ,“-ნათქვამია განცხადებაში.