შოთა რუსთაველის დაბადებიდან 850 წლის იუბილეს აღსანიშნავად, წელს 26 მაისს- საქართველოს დამოუკიდებლობის დღეს, დამატებითი თემატური დატვირთვა - ,,ვეფხისტყაოსანი’’ - მიეცა.
ღონისძიებები თბილისსა და საქართველოს სხვა რეგიონებში ლოზუნგით ,,მე რუსთაველის ქვეყნიდან ვარ“ იმართება.
ამ თარიღდან დაკავშირებით ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია საზეიმო ღონისძიებას ახალციხეში გამართავს. რაბათის ციხეში მსახიობების, სპეციალური დეკორაციებისა და წარმოდგენების საშუალებით მე-12 საუკუნე გაცოცხლდება.
ღონისძიებაში 50-მდე მსახიობი, ქართული ორთაბრძოლის ოსტატები და საჰაერო შოუს აკრობატები მიიღებენ მონაწილეობას. რუსთაველის ფორმაში გამოწყობილი მთხრობელი მუსიკოსების თანხლებით „ვეფხისტყაოსნიდან“ ნაწყვეტებს წაიკითხავს. „ვეფხისტყაოსნის“ მიხედვით დაიდგმება სცენები. მათ შორის ნადიმი და მიღება მეფე როსტევანის კარზე. შავფაროსნების მონაწილეობით გაიმართება ორთაბრძოლა, ასევე მოეწყობა ცეცხლოვანი შოუ. ღონისძიების ფარგლებში რაბათის ციხის მიმდებარე ტერიტორიაზე მოეწყობა გამოფენა-გაყიდვა. წარმოგენილი იქნება ხელნაწერთა ეროვნული ცენტრის მიერ მოწოდებული რეპლიკები.ბავშვებისათვის გაიმართება ინტერაქტიული თამაშები და შეჯიბრება.
დღის კულმინაცია ქაჯეთის ციხის აღების სცენის გაცოცხლება იქნება, რომელიც რაბათის ტერიტორიაზე დაახლოებით 20.30 ზე დაიწყება.
დეტალური ინფორმაცია :
- 16:00 სთ ტერიტორიაზე დაიწყება გამოფენა-გაყიდვა.
იარაღი, რეწვა, თიხა, ხალიჩები, ხელნაწერთა ეროვნული ცენტრის მიერ მოწოდებული რეპლიკები. ნამდვილი ხილის ნატურმორტები, წნულები, ჩირაღდნები.
ბავშვებისათვის და ყმაწვილებისათვის ინტერაქტიული თამაშების სხვადასხვა კუთხე: მშვილდის სროლა, ლახტი, ტომრებით შეჯიბრი, თოკის გადაქაჩვა,
მასტერკლასები: ხატვა, ილუზიონისტი
- 16:30 პროექტორის მეშვეობით - კოტე მიქაბერიძე ფილმი „ქაჯეთის“ 1936 ჩვენება.
ტერიტორიაზე ივლის რუსთაველის ფორმაში გამოწყობილი ნარატორი, მუსიკოსებთან ერთად, (ჭიბონი, ჩონგური) რომლებიც გარკვეულ ადგილებზე, პერფორმანსთან ან ინსტალასიასთან მისვლისას, წაიკითხავს ნაწყვეტს, შესაბამის სტროფებს ვეფხისტყაოსნიდან.
მეციხოვნეები პერიოდულად გამოივლიან ქონგურის ბილიკებს, ციხის ვიწრო გასასვლელებში კოსტიუმირებული მსახიობები გააცოცხლებენ ძველ დროს, რამოდენიმე ტალანში დაბალ ხმაზე ჩართული ხმა (ჩურჩული , ჯაჭვების იარაღის ჩხრიალი, ვეფხისტყაოსნის პოემა) შესძენს ტერიტორიას მისტიურობას..
„მეციხოვნეები“ და „მეომრები“ იმოძრავებენ წინასწარ დათმულ ტერიტორიაზე.
- 17:00 სთ. ინსტალაცია მეფის კარი- „იყო არაბეთს როსტევან“
მეფე და მისი კარის მხლებლები, მხიარულობენ და განლაგებულ ტერიტორიაზე იღებენ სტუმრებს ძღვენით, (გმირებს ვეფხისტყაოსნიდან) გასცემენ წყალობას. სპარსული, აზიურ ყაიდაზე.
მათ ართობს მოახლეები და მსახურები. არაბული მოცეკვავე, პითონიანი ქალი, ჯუჯა, ტყუპები, მუსიკოსები, ფენენ ვარდის ფურცლებს, იკმევა გუნდრუკი, მღერიან.
- 20:30 სთ. ქაჯეთის ციხის აღება- დასკვნითი შოუ
ციხის ქვეშ შეიკრიბება ამალა, ბჭობა - ქაჯეთის ციხის აღება
ციხიდან კედელზე, საჰაერო შოუს მეშვეობით დაეშვება 3 „ქაჯი“- გაიმართება ორთაბრძლოლა შავფაროსნების საჩვენებელი ორთაბრძოის მეშვეობით. ცეცხლოვანი შოუ. ციხის აღების აღსანიშვად ქონგურებიდან გადმოეკიდება ნაჭრები საქართველოს დროშის ფერებად. (წითელი, თეთრი)
-ცოცხალი მუსიკის ჩვენებურების, განათების და სპეც ეპექტების დახმარებით.