მანჩესტერელი ტერორისტი სალმან აბედი ტერორისტულ აქტს მთელი წელი ამზადებდა. ამის შესახებ გამოცემა „თაიმსი“ წერს.
გავრცელებული ინფორმაციით, ტერორისტმა ერთი წლის წინ ბანკში ანგარიში გახსნა და მასზე ჩარიცხული თანხით მანჩესტერის გარეუბანში ასაფეთქებელი მოწყობილობისთვის საჭირო მასალა იყიდა. აფეთქებამდე ერთი კვირით ადრე აბედი ლიბიიდან დაბრუნდა, მანჩესტრის ცენტრში ბინა იქირავა და ბომბი ააწყო.
მასშტაბური ტერორისტული აქტი მანჩესტერ-არენაზე 22 მაისს განხორციელდა. აფეთქებას 22 ადამიანი ემსხვერპლა.
