თურქეთის ავიაციის ფლაგმანი, ავიაკომპანია Turkish Airlines-ი, 25 მაისს, თბილისის მიმართულებით ფრენების დაწყების 20 წლის იუბილეს აღნიშნავს.
ავიაკომპანიამ საქართველოში ფრენა 1997 წელს, კვირაში 1 რეისით დაიწყო, ამჟამად, კი ყოველდღიურად 4 რეისს ასრულებს სტამბოლის მიმართულებით.
საქართველოში თურქეთის რესპუბლიკის საელჩოს უბფორმაციით, საერთაშორისო გადამზიდავი Turkish Airlines-ი6 ჯერ ზედიზედ იყო „სქაითრაქსის“ „ევროპის საუკეთესო ავიახაზების“ ჯილდოს მფლობელი.
იგი ყოველწლიურად აფართოვებს თავის ქსელს და უკვე 300-მდე მიმართულებით დაფრინავს მსოფლიოში.
Turkish Airlines-ის საქართველოს ბაზარზე შემოსვლის საიუბილეო საღამო 25 მაისს, 19:30 საათზე სასტუმრო „ბილთმორში“ გაიმართება, რომელსაც დაესწრებიან: თურქეთის რესპუბლიკის ელჩი ზექი ლევენთ გუმრუქჩუ, თურქეთის პარლამენტის საქართველოსთან მეგობრობის ჯგუფის თავმჯდომარის მოადგილე ჰუსეინ შაჰინი დეპუტატებთან ერთად, საქართველოს პარლამენტის თურქეთის რესპუბლიკის პარლამენტთან მეგობრობის ჯგუფის თავმჯდომარე არჩილ ხაბაძე დეპუტატებთან ერთად,Turkish Airlines-ის რეგიონალური დირექტორი მუჰამედ ფათიჰ დურმაზი და სხვა მოწვეული პირები. ასევე, სიტყვით გამოვლენ: თურქეთის რესპუბლიკის ელჩი, მეგობრობის ჯგუფების ხელმძღვანელები და Turkish Airlines-ის წარმომადგენელი.