ფილიპინების ლიდერი იძულებულია მოსკოვში ვიზიტი შეეწყვიტოს. ამის მიზეზი ფილიპინების სამხრეთში განვითარებული მოვლენები გახდა. სამთავრობიო ძალებსა და ისლამისტებს შორის მომხდარი შეტაკებების გამო მინდანაოს პროვინციაში საგანგებო მდგომარეობაა გამოცხადებული. როდრიგო დუტერტე მოსკოვს გუშინ ეწვია. ცნობილია, რომ ფილიპინების ლიდერს რუსეთისგან თანამედროვე იარაღის შეძენა სურს.
