მანჩესტერელი ტერორისტი სალმან აბედი ბრიტანეთში ლიბიიდან ტერაქტამდე რამდენიმე დღით ადრე დაბრუნდა. ამის შესახებ გამოცემა „თაიმსი“ იტყობინება. პოლიცია ახლა იმის დადგენას ცდილობს, გაიარა თუ არა 22 წლის თვითმკვლელმა ტერორისტმა მომზადება ლიბიაში. მასშტაბური ტერორისტული აქტი მანჩესტერ-არენაზე 22 მაისს განხორციელდა. აფეთქებას 22 ადამიანი ემსხვერპლა, 59 კი დაშავდა. მომხდარის გამო ბრიტანეთში ტერორისტული საფრთხის უმაღლესი დონეა გამოცხადებული.