ეს არის ოკუპანტის მიერ წარდგენილი კიდევ ერთი მათი წარმომადგენელი, - ასე გამოეხმაურა საქართველოს საგარეო საქმეთა სამინისტრო მიხეილ ჯანელიძე რუსეთის მიერ ცხინვალში მარატ კულახმეტოვის ე.წ. ელჩად დანიშვნას.
ჯანელიძის განცხადებით, ყველა მიმართულებით მიმდინარეობს მუშაობა, რომ ოკუპანტების წარმომადგენლობა საქართველოს ტერიტორიაზე დასრულდეს.
"ეს არის ოკუპანტის მიერ წარდგენილი კიდევ ერთი მათი წარმომადგენელი. ყველა მიმართულებით ვიმუშავებთ, რომ ოკუპანტების წარმომადგენლობა ჩვენს ტერიტორიაზე დასრულდეს და შევძლოთ ტერიტორიული მთლიანობის სუვერენიტეტის აღდგენა, რაც მთავარია მოხდეს საზოგადოებების გაერთიანება", - განაცხადა მიხეილ ჯანელიძემ.
ცნობისთვის, რუსეთის პრეზიდენტმა ვლადიმერ პუტინმა ოკუპირებული ცხინვალის რეგიონში რუსეთის ე.წ. საგანგებო და სრულუფლებიან ელჩად გენერალ-მაიორი მარატ კულახმეტოვი დანიშნა.