სახელმწიფო დეპარტამენტი განაგრძობს საქართველოს, უკრაინისა და მოლდოვის მხარდაჭერას, რათა მათ საკუთარი მომავალი თავად განსაზღვრონ, როდესაც ისინი ატარებენ კრიტიკულ რეფორმებს პოლიტიკური სისტემის, ეკონომიკისა და თავდაცვის განსამტკიცებლად, - ამის შესახებ სახელმწიფო დეპარტამენტის მიერ გავრცელებულ განმარტებით ბარათშია საუბარი, რომელიც დეპარტამენტის 2018 წლის ბიუჯეტის პროექტს ახლავს თან.
"საზოგადოებრივი მაუყწებლის" ინფორმაციით, განმარტებით ბარათში ასევე ნათქვამია, რომ „რუსეთის აგრესია უკრაინაში, ყირიმის, საქართველოსა და მოლდოვის ნაწილების ოკუპაცია ეწინააღმდეგება სუვერენიტეტისა და ტერიტორიული მთლიანობის საერთაშორისო პრინციპებს“.
რაც შეეხება დაფინანსებას, პროექტის მიხედვით, აშშ-ის სახელმწიფო დეპარტამენტი 2018 წელს საქართველოს დასახმარებლად 34 მილიონ 100 ათასი აშშ დოლარის გამოყოფას გეგმავს.
საქართველოსთვის აშშ-ის სახელმწიფო დეპარტამენტის მიერ 2016 წელს დამტკიცებული და დღემდე მოქმედი დახმარების მოცულობა 80 მილიონზე მეტია.
