აფხაზეთში, გალის რაიონის სოფელ ფიჩორში რუსეთის სასაზღვრო პოლიციის თანამშრომლებმა გერმანიის მოქალაქე ე.წ. საზღვრის უკანონო კვეთის ბრალდებით დააკავეს.
არსებული ინფორმაციით, გერმანიის მოქალაქე საქართველოდან აფხაზეთში "საზღვრის უკანონო კვეთით" შევიდა. დაკავებული გერმანელის თქმით, ის ფეხით მოგზაურობს და აფხაზეთის ე.წ. სახელმწიფო საზღვრის გადაკვეთის შესახებ ინფორმაცია არ ჰქონია.
ტელეკომპანია "იმედის" ცნობით, რუსეთის სასაზღვრო პოლიციის თანამშრომლებმა, სიტუაციაში გარკვევამდე, გერმანიის მოქალაქე აფხაზეთის შესაბამისს უწყებებს გადასცეს.