თურქეთის პრემიერ-მინისტრი ბინალი ილდირიმი საქართველოშია.
მისი თვითმფრინავი თბილისის საერთაშორისო აეროპორტში ცოტა ხნის წინ დაეშვა. მასთან ერთად საქართველოში თურქეთის 7 მინისტრი ჩამოფრინდა.
არსებული ინფორმაციით, აეროპორტში მას საქართველოს საგარეო საქმეთა მინისტრი მიხეილ ჯანელიძე, მინისტრის მოადგილე დავით დონდუა და თურქეთის ელჩი საქართველოში ზაქი ლევენთ გუმრუქჩუ დახვდნენ.
თურქეთის ელჩის განცხადებით, თურქეთის პრემიერმინისტრი საქართველოში თურქეთ-საქართველოს შორის არსებული უმაღლესი სტრატეგიული საბჭოს მეორე სხდომას დაესწრება, რომელიც ხვალ, 23 მაისს გაიმართება.
