"თუ ჩაითვლება, რომ გამოძიება არაეფექტურია, კომისიის შექმნის თაობაზე მოთხოვნა სამართლებრივად სწორი იქნება", - განაცხადა პარლამენტის ადამიანის უფლებათა დაცვის კომიტეტის თავმჯდომარე ეკა ბესელია.
მისი თქმით, გენერალურ აუდიტორ ლაშა თორდიაზე თავდასხმის საქმეზე საპარლამენტო საგამოძიებო კომისიის შექმნა არაა საჭირო.
"პარალელურ რეჟიმში, გამოძიების მიმდინარეობდეს და თან პარლამენტი ატარებდეს საგამოძიებო მოქმედებებს, ასეთი რამ რეგლამენტს ეწინააღმდეგება. გამოძიება დაწყებულია ერთ კვირაზე მეტია და ამ გამოძიების შუალედური ინფორმაციის შემდეგ სრულ სურათს ველოდებით, რომ გავაკეთოთ დასკვნა სიმშვიდეში, რეალურად რა მოხდა და საქმე რასთან გვაქვს. ამის შემდეგ, თუ ჩაითვლება, რომ გამოძიება არაეფექტურია, კომისიის შექმნის თაობაზე მოთხოვნა სამართლებრივად სწორი იქნება", - განაცხადა ბესელიამ.
