დეკანოზის ადვოკატები საპატრიარქოს წინააღმდეგ სასამართლოს მიმართავენ, - ამის შესახებ ბრალდებულის ადვოკატმა მიხეილ რამიშვილმა ე.წ. მატროსოვის ციხიდან გამოსვლის შემდეგ განაცხადა.
”ე.წ. ტრანზაქციები, რომლებიც თურმე ხორციელდებოდა, არის სრული სიცრუე. მინდა ხაზი გავუსვა ერთ ფაქტს, რომ გიორგი მამალაძის კომპიუტერში იყო ეს ინფორმაცია - ეს კომპიუტერი ინახება პროკურატურაში, ეს არის პროკურატურის მიერ ამოღებული ე.წ. ვითომდა ტრანზაქციები, რომელიც გადაეცა საპატრიარქოს. ედიშერ ქარჩავას მიერ გავრცელებული ინფორმაცია, რომ თითქოსდა ეს საბუთები ინახებოდა საპატრიარქოში, რომელიღაც სასულიერო პირთან, ეს არის სიცრუე. არ ინახებოდა”, - განაცხადა მიხეილ რამიშვილმა.
მიხეილ რამიშვილის განცხადებით, ცილისწამებაა ამ ინფორმაციის გავრცელება, რადგან პროკურატურას რაიმე დანაშაულო რომ ენახა ამ ფორმით არ გაავრცელებდა ინფორმაციას. "ეს არის მიზანმიმართული იმისკენ, რომ მამა გიორგის ცილი დასწამონ და ინფორმაციაც ამ მეთოდით ამიტომ გაავრცელეს", - განაცხადა რამიშვილმა.