"საკმაოდ დაგვიანებით მოხდა უშუალოდ ფარცხალაძის დაკითხვა", - განაცხადა საქართველოს სახალხო დამცველმა, უჩა ნანუაშვილმა. მან მთავარ აუდიტორზე, ლაშა თორდიაზე თავდასხმის საქმეზე ისაუბრა და დასძინა, რომ პროკურატურამ გონივრულ ვადაში უნდა დაასრულოს გამოძიება.
შენიშვნები, რა თქმა უნდა, გვქონდა, თუნდაც ის, რომ საკმაოდ დაგვიანებით მოხდა უშუალოდ ფარცხალაძის დაკითხვა, რამდენიმე დღის შემდეგ, მაშინ, როდესაც დაზარალებული პირდაპირ მიუთითებდა მის გვარს და ის იყო ერთ-ერთი პირველი, ვისი დაკითხვაც უნდა მომხდარიყო,“ - განაცხადა უჩა ნანუაშვილმა.
