თბილისში, ინფექციური საავადმყოფოს ფანჯრებს რამდენიმე ტყვია ესროლეს, ინფორმაციას ინფექციური საავადმყოფოს ერთ-ერთი პაციენტი ადასტურებს.
როგორც პაციენტმა "საზოგადოებრივ მაუწყებელს" განუცხადა, პალატის ფანჯარაში რამდენიმე ტყვია შევარდა, მათ შორის, ერთი საწოლსაც მოხვდა.
„ვიწექით ჩვენთვის პაციენტები, ჯერ გარეთ გავიგონე 4 გასროლა, მერე ფანჯარაში შევარდა რამდენიმე ტყვია და საწოლსაც მოხვდა. ყველანი დავწექით იატაკზე. კრიმინალური პოლიციაც აქ არის და საპატრულოც“, - განაცხადა ერთ-ერთმა პაციენტმა.
მისი თქმით, სავარაუდოდ, გასროლა საავადმყოფოს წინ მდებარე კორპუსიდან განხორციელდა.
სხვა დეტალებით, ჯერჯერობით, უცნობია.