გერმანელი დიპლომატის განცხადებას ფრაქცია „ქართული ოცნების“ თავმჯდომარე, მამუკა მდინარაძე გამოეხმაურა. მან უარყოფითად შეაფასა დიპლომატის ქმედება და განაცხადა, რომ ამაზე ევროკავშირმაც და საქართველომაც შესაბამისი რეაგირება უნდა მოახდინოს.
"ალბათ ამ ადამიანის მიმართ ზედმეტად მკაცრი არ ვიქნები, რომ მისი ქმედება, თუ საქციელი არადიპლომატიურად შევაფასო, დიპლომატისთვის შეუფერებლად. ვფიქრობ, ევროკავშირმა ამაზე შესაბამისი გადაწყვეტილება უნდა მიიღოს. ეს მსგავსი ქმედების დროს აუცილებელია, რათა რეალური ობიექტურობა შეინარჩუნონ", - განაცხადა მდინარაძემ.
შეგახსენებთ, რომ ჟენევის მოლაპარაკებების ერთ-ერთმა თანათავმჯდომარემ, ჰერბერტ ზალბერმა ოკუპირებული ცხინვალის რეგიონის ახლად არჩეულ ე.წ. პრეზიდენტს გამარჯვება მიულოცა.
