იმ შემთხვევაში, თუ ჯულიან ასანჟი ეკვადორის საელჩოს დატოვებს, ლონდონის პოლიცია მის დაკავებას აპირებს. ამის შესახებ სკოტლანდ იარდის განცხადებაშია ნათქვამი. სკანდალური ვებ-გვერდის, „ვიკილიკსის“ დამფუძნებლის წინააღმდეგ შვედეთის პროკურატურამ სისხლის სამართლის საქმე შეაჩერა და დაკავების ორდერი გააუქმა. შვედეთში მას ბრალად სექსუალურ ძალადობას უყენებდნენ. 2012 წლიდან ასანჟი თავს ლონდონში ეკვადორის საელჩოს აფარებს.