თბილისისი სახელმწიფო უნივერსიტეტში „ვეფხისტყაოსანთან“ დაკავშირებული ხელნაწერებისა და ექსპონატების გამოფენა გაიმართა. გამართულ ღონისძიებას ვიცე-პრემიერი და განათლების მინისტრი ალექსანდრე ჯეჯელავაც დაესწრო და ამასთან დაკავშირებით განცხადებები გააკეთა.
"შეიძლება ვთქვათ, რომ მსოფლიო რანგის ნაწარმოები, ამიტომ მის აღნიშვნას ლოკალურის გარდა საერთაშორისო მნიშვნელობა აქვს. რუსთაველი და მისი უკვდავი პოემა მომავალ წელს ფრანგფურტის წიგნის ბაზრობაზე ჩვენი სტუმრობის დროს ერთ-ერთი საფუძველი იქნება. წელს საქართველოს და მის ფარგლებს გარეთ ძალიან ბევრი შესაბამისი ღონისძიება გვაქვს დაგეგმილი. უნივერსიტეტში "ვეფხისტყაოსანთან" დაკავშირებული უნიკალური ხელნაწერებისა და ექსპონატების გამოფენა დამოუკიდებლობის დღესთან დაკავშირებით ძალიან კარგი მიზიდულობის ცენტრია. გამოფენა 27 მაისამდე იქნება და თსუ-ში ექსპოზიციის დათვალიერების საშუალება ყველას ექნება. კარგი ევროპელები და კარგი ქართველები ვიქნებით მაშინ, თუ ჩვენი ფესვები და ფასეულობები, რაზეც აშენდა ქართველი ერი გვემახსოვრება. ასეთი ღონისძიებები ჩვენი კავშირების გასამყარებლად ძალიან კარგია", - განაცხადა ალექსანდრე ჯეჯელავამ.
