სახელმწიფო აუდიტის სამსახურის უფროსის, ლაშა თორდიას თქმით, ოთარ ფარცხალაძის შესახებ დაწერილი ანგარიში შემდეგ ორშაბათს ან სამშაბათს გამოქვეყნდება. მან ანგარიშის გასაჯაროება ჯერ კიდევ გასული ორშაბათისთვის დააანონსა, თუმცა შემდეგ გადაიდო.
"დღესაც გრძელდება მუშაობა ანგარიშის საბოლოო ფორმაზე, რომელსაც კონკრეტული მტკიცებულებები და საერთაშორისო სტანდარტების შესაბამისი მოსაზრებები უნდა დაერთოს, ეს კი დროს მოითხოვს", - განაცხადა თორდიამ.
მისი თქმით, ანგარიშში ასახულია რამოდენიმე მონაკვეთი, რომლებშიც შესაძლოა დანაშაულის ნიშნები იკვეთებოდეს. აღნიშნულთან დაკავშირებით გამოძიება კი პროკურატურამ უნდა აწარმოოს.
"მთავარი საკითხია, რატომ გაუკეთა მერიამ ფარცხალაძეს ის, რასაც სხვა შემთხვევაში არ აკეთებს ხოლმე. მერიის კონკრეტული გადაწყვეტილებები მიმართული იყო ფარცხალაძის მოთხოვნების დასაკმაყოფილებლად", - განაცხადა თორდიამ.
