"დემოკრატიული მოძრაობა-ერთიანი საქართველოს“ ერთ-ერთი ლიდერი დიმიტრი ლორთქიფანიძე საქართველოს პარლამენტის თავმჯდომარეს ირაკლი კობახიძეს სასამართლოში უჩივის.
შესაბამისი სარჩელით ოპოზიციური პარტიის წარმომადგენელმა ქუთაისის საქალაქო სასამართლოს დღეს მიმართა.
დიმიტრი ლორთქიფანიძე კობახიძეს კონსტიტუციის უხეშად დარღვევაში ადანაშაულებს. კერძოდ, ლორთქიფანიძის თქმით, ირაკლი კობახიძემ 13 კვალიფიციური სუბიექტი სახელმწიფო საკონსტიტუციო კომისიის შემადგენლობაში ჯერ შეიყვანა, ხოლო შემდეგ კომისიის შემადგენლობიდან ამორიცხა.
დიმიტრი ლორთქიფანიძე ფიქრობს, რომ პარლამენტის თავმჯდომარის აღნიშნულ ქმედებაზე სასამართლომ შესაბამისი რეაგირება უნდა მოახდინოს.
