“ფარცხალაძე-თორდიას კატეგორიის საქმეებზე ეფექტური გამოძიება მოკლე დროში უნდა დასრულდეს”,- განაცხადა სასჯელაღსრულებისა და პრობაციის მინისტრმა, კახა კახიშვილმა. მისი თქმით, აღნიშნული საქმე საზოგადოების ყურადღების ცენტრშია და მისი სწრაფად დასრულება საგამოძიებო ორგანოებისთვის პრიორიტეტული უნდა იყოს.
"განცხადება გაკეთდა, რომელიც სისხლის სამართლის დანაშაულის ნიშნებს შეიცავს და გამოძიება დაიწყო. რა თქმა უნდა, ასეთი ტიპის კატეგორიის საქმეებზე საჭიროა მოკლე დროში, ეფექტური გამოძიების ჩატარება და დასრულება, რომ საზოგადოებამ შედეგი შეიტყოს", - განაცხადა კახიშვილმა.