დასტურდება ჩვენი მტკიცებულებებით, რომ ოთარ ფარცხალაძეს ამ ინციდენტში მონაწილეობა არ მიუღია, - ამის შესახებ ყოფილი მთავარი პროკურორის ადვოკატმა გაგი მოსიაშვილმა განაცხადა. ადვოკატი არც იმას გამორიცხავს, რომ
სახელმწიფო აუდიტის სამსახურის უფროსმა ლაშა თორდიიამ დაზიანებები თავად მიიყენა.
„გამორიცხული არაფერია“, - აღნიშნა მან.
მისივე თქმით, თავად გამოკითხეს კაფე „ელ ცენტროს“ დაცვის თანამშრომლები.
,,დაცვამ აღნიშნა, რომ დაახლოებით 5 მეტრის დაშორებით იყვნენ ამ ინციდენტიდან. დასტურდება ჩვენი მტკიცებულებებით, რომ ოთარ ფარცხალაძეს ამ ინციდენტში მონაწილეობა არ მიუღია და თორდიას მხრიდან წამოსული აგრესია განეიტრალდა ფარცხალაძის პირადი დაცვის მიერ. ეს იყო წამიერი ჩოჩქოლი", - განაცხადა გაგი მოსიაშვილმა.