ძლიერმა სეტყვამ გურჯაანის რაიონის 5 სოფელი დააზარალა. განსაკუთრებით დიდი ზარალი მიადგა სოფელ ახალშენისა და მუკუზანის მოსახლეობას. ადგილობრივების თქმით, ხანგრძლივმა სეტყვამ გაანადგურა სასოფლო-სამეურნეო სავარგულები, დაიხოცა შინაური ფრინველი, დაზიანდა ვენახები.
უცნობია იმუშავა თუ არა სეტყვის საწინააღმდეგო სისტემამ. ადგილობრივი ხელისუფლების თქმით, სპეციალური კომისია შეისწავლის სტიქიის შედეგებს.
