თეთრიწყაროს მუნიციპალიტეტის გამგებელმა ბესიკ წიკლაურმა თანამდებობა დატოვა. საზოგადოებრივი მაუწყებლის ინფორმაციით, თანამდებობის დატოვების შესახებ მან განცხადებით საკრებულოს 28 აპრილს მიმართა.
თეთრიწყაროს მუნიციპალიტეტის საზოგადოებასთან ურთიერთობის სამსახურის უფროსის ლელა გიგაურის ცნობით, ბესიკ წიკლაურს უფლებამოსილება უკვე შეუწყდა.
ბესიკ წიკლაურმა 2014 წლის ადგილობრივი თვითმმართველობის არჩევნებში გაიმარჯვა. ის „ქართული ოცნების“ კანდიდატი იყო. მისი გადადგომის მიზეზი არ სახელდება.