მსოფლიო ბანკმა პროგრამული განვითარების პოლიტიკის მეორე ღონისძიების (DPO2) ფარგლებში, მთავრობის ეკონომიკური რეფორმების პროგრამის მხარდასაჭერად 47.2 მლნ ევროს ოდენობის ფინანსური რესურსი დაამტკიცა. მისი მეშვეობით სახელმწიფო ორგანიზაციების ფისკალური ზედამხედველობას, საჯარო სამსახურის ბიუჯეტირების გაუმჯობესებასა და მოსახლეობის სოციალური მომსახურების ხარისხს გააძლიერებს. ინკლუზიური ზრდის პროგრამული განვითარების პოლიტიკის მეორე ღონისძიება საქართველოს მთავრობის მიერ შემუშავებულ ოთხპუნქტიან გეგმას ემყარება და საქართველოსთან მსოფლიო ბანკის 2014 – 2017 წლების პარტნიორობის სტრატეგიის ხელს განხორციელებას უწყობს. მსოფლიო ბანკის აღნიშნულ გადაწყვეტილებას წინ უძღოდა საქართველოს პირველი ვიცე-პრემიერის, ფინანსთა მინისტრ დიმიტრი ქუმსიშვილისა და მსოფლიო ბანკის ვიცე-პრეზიდენტის სირილ მიულერის შეხვედრა გასულ კვირას აშშ-ში, რომლის დროსაც მხარეებმა პროგრამული განვითარების პოლიტიკის მეორე ღონისძიების ფარგლებში საქართველოს მიერ განხორციელებული რეფორმები განიხილეს. შეხვედრაზე აღინიშნა, რომ ყველა დაგეგმილი რეფორმა წარმატებით განხორციელდა, ასევე მოხდა შეთანხმება მსოფლიო ბანკთან თანამშრომლობის ახალ ჩარჩო დოკუმენტზე, რომელშიც დეტალურად გაიწერება აღნიშნულ ორგანიზაციასთან თანამშრომლობის მომდევნო სამწლიანი პერიოდი. მსოფლიო ბანკისგან მომდევნო საბიუჯეტო დახმარებას საქართველო ზაფხულის მეორე ნახევარში მიიღებს. მსოფლიო ბანკის საქართველოში განხორციელებულმა კაპიტალდაბანდებებმა 1992 წლის შემდეგ დაახლოებით 2.27 მლრდ. აშშ დოლარი შეადგინა.