გარდაცვლილი 19 წლის ახალგაზრდის შოთიკო ცირგაიას ოჯახის წევრები პოლიციამ დააკავა.
არსებული ინფორმაციიტ, ზუგდიდის რეფერალურ საავადმყოფოს ეზოში აქციის დასრულების შემდეგ, ოჯახის წევრებმა პოლიციის სამმართველოსთან გადაინაცვლეს, სადაც გზის გადაკეტვა სცადეს.
სამართალდამცველებმა ამის უფლება მათ არ მისცეს. აქციის მონაწილეებმა პოლიციას წინააღდეგობა გაუწიეს, რა დროსაც სამართალდამცველებმა გარდაცვლილის დედა ირინა წურწუმია, დეიდა, და და ოჯახის მეზობელი ახალგაზრდა კაცი დააკავეს.
გავრცელებული ინფორმაციით, ოთხივე მათგანს პოლიციისთვის წინააღმდეგობის გაწევას ედავებიან. ჯერჯერობით უცნობია, დაკავებულებს ხელწერილის საფუძველზე გაუშვებენ თუ სასამართლო პორცესი გაიმართება.
ცნობისთვის, 19 წლის გარდაცვლილი ახალგაზრდის შოთიკო ცირგაიას ოჯახის წევრებმა დღეს ზუგდიდის რეფერალურ საავადმყოფოსთან მორიგი საპროტესტო აქცია გამართეს და ცირგაიას მკურნალი ექიმის დასჯა კიდევ ერთხელ მოითხოვეს.
შეგახსენებთ, შოთიკო ცირგაია ზუგდიდის რეფერალურ საავადმყოფოში გასული წლის ნოემბერში გართულებული პნევმონიის დიაგნოზით მიიყვანეს. ოფიციალური ინფორმაციით, მდგომარეობის დამძიმების შემდეგ კი, თბილისში გადაჰყავდათ, თუმცა გზაში გარდაიცვალა.