მმართველი გუნდის მიერ 2018 წლისთვის პრეზიდენტის არაპირდაპირი არჩევნების წესის შემოღებასთან დაკავშირებით საუბარს, ოპოზიცია აკრიტიკებს. მათი თქმით, მსგავსი იდეები ნიადაგის მოსინჯვას გავს და უმრავლესობას ამის უფლება არ უნდა მიეცეს.
„ნაციონალური მოძრაობის“ წევრის, რომან გოცირიძის განცხადებით, საზოგადოებამ ხმა უნდა აიმაღლოს და შეეწინააღმდეგოს პრეზიდენტის არაპირდაპირი არჩევნების წესით არჩევას.
„თუ ახლავე ძალიან მკაცრად არ გამოვხატეთ ჩვენი პოზიცია, არ არის გამორიცხული, რომ ნელ-ნელა შემოგვაპარონ ისეთი იდეები, რომელიც არ იყო ნაგულისხმები, თუნდაც აი ამ კონსტიტუციის ძალიან ცუდ ვარიანტშიც კი. ასე, რომ ეს არის დაუშვებელი,“ - აცხადებს რომან გოცირიძე.
